صدور فراخ مشوية بصوص كريمي وخضار – طعم ولا أسهل، والأهم صحي! 🍗🥦
لو بتدوّري على أكلة سريعة، صحية، كلها نكهة، وسهلة في التنضيف؟
جربي وصفة صدور الفراخ الكريمي بالثوم والبارميزان مع الخضار المشوي في طاسة واحدة بس!
واستخدمي بخاخ سبرتز زيت زتون علشان أكلة أخف وألذ
مكونات:
-
2 صدر فراخ (بلا عظم أو جلد)
-
ملح وفلفل أسود فريش
-
معلقة زيت زيتون
-
فلفل رومي أحمر مقطّع شرائح
-
فلفل رومي أخضر مقطّع شرائح
-
بروكلي مقطّع زهرات صغيرة
-
نص كوب مرقة فراخ
-
نص كوب كريمة طبخ (أو لبن لوز من غير سكر لو عايزة أخف)
-
2 فص توم مفروم
-
ربع كوب جبنة بارميزان مبشورة
-
معلقة بقدونس فريش مفروم (اختياري)
- سبراى سبرتس زيت زيتون
تعليمات:
1. حضّري الفراخ والخضار:
رشي بخاخ سبرتز على صدور الفراخ وتبّليها بملح وفلفل. اغسلي وقطّعي الخضار.
2. شوّحي الخضار:
في طاسة كبيرة تدخل الفرن، سخّني الزيت على نار متوسطة. ضيفي الفلفل والبروكلي وقلّبيهم 5-7 دقايق لحد ما يطروا شوية.
3. شوّحي الفراخ:
ضيفي صدور الفراخ مع الخضار في نفس الطاسة. شوّحيها على الناحيتين 2-3 دقايق لحد ما تاخد لون دهبي.
4. اعملي الصوص:
ضيفي الكريمة أو لبن اللوز حوالين الفراخ والخضار. قلّبي كويس وخدي نكهة التحمير من تحت الطاسة. ضيفي الثوم المفروم وسيبي الخليط يغلي غلوة بسيطة.
5. دخّليها الفرن:
غطي الطاسة، وادخليها فرن سخن على 200 درجة مئوية (حوالي 15-20 دقيقة) لحد ما الفراخ تستوي والخضار يبقى طري.
طلّعيها وقلّبي فيها جبنة البارميزان. لو حابة، زوّدي رشة بقدونس فريش فوق الوش.
6. قدّمي واستمتعي:
قدّمي الفراخ الكريمي والخضار مع رز أو كينوا – أكلة متكاملة ولذيذة!
نصائح:
-
عايزة الصوص يبقى أتقل؟ اخلطي معلقة نشا مع معلقة مية بردة، وضيفيهم في الآخر مع التقليب دقيقتين لحد ما يتقل.
-
مفيش بقدونس؟ رشة زعتر ناشف أو بقدونس ناشف هتدي طعم حلو برضو.
-
عندك بواقي؟ الوصفة دي بتتسخن تاني كويس جدًا – مثالية لللانش بوكس!
-